विवेकानंद आश्रमाचे कार्य वृद्धींगत होत राहणार – डॉ.कोल्हे

हिवरा आश्रम :- विवेकानंद आश्रम ही समाजोपयोगी काम करणारी मोठी संस्था आहे. संस्थेला भेट देण्याची अनेक वर्षांपूर्वीची इच्छा आज पूर्ण झाली. संस्थेच्या सुदंर, स्वच्छ व भावपूर्ण परिसराचे दर्शन झाले. अत्यंत तळमळतेने सुरु केलेले कार्य मानव समाजासाठी निश्‍चितच उपयुक्त आहे.
कर्मयोगी संत प.पू.शुकदास महाराजांनी सुरु केलेले हे कार्य वृद्धीगत होत राहणार असल्याचे विचार सामाजिक कार्यकर्ते डॉ.रविंद्र कोल्हे यांनी विवेकानंद आश्रमात सदिच्छा भेटी प्रसंगी काढले.
विवेकानंद आश्रमाचे अध्यक्ष आर.बी.मालपाणी यांनी त्यांचे पुष्पगुच्छ देवून स्वागत केले. त्यांची विदर्भाच्या विकासासाठी संस्थेने शेतक्यासाठीचे काही संशोधनात्मक प्रकल्प सुरु करावेत त्यासाठी मी संस्थेच्या सोबत असेल असेही विचार त्यांनी त्यावेळी व्यक्त केले. यावेळी त्यांनी विवेकानंद आश्रमाद्वारे सुुरु असलेल्या विविध सेवाभावी उपक्रमांना भेटी देवून समाधान व्यक्त केले. यावेळी विवेकानंद आश्रमाचे उपाध्यक्ष अशोक थोरहाते, सचिव संतोष गोरे, सहसचिव विष्णुपंत कुलवंत, आत्मानंद थोरहाते, विश्‍वस्त पुरुषोत्तम आकोटकर, प्राचार्य पंढरीनाथ शेळके, अभिषेक आकोटकर तथा आदी हजर होते.